јануари 28, 2021
Навивачката група Комити Вардар додели новогодишни пакечиња на учениците од ПОУ Д-р. „Златан Сремец“
Навивачката група Комити Вардар додели новогодишни пакечиња на учениците од ПОУ Д-р. „Златан Сремец“ со подршка од страна на Црвен крст на Република Северна Македонија Општинска организација Кисела Вода.
Настанот се одвиваше со однапред предвидена програма со времетраење од 2 часа, со тоа беше успешно реализирана активноста под мотото „За тебе Вардар и Том&Џери би ги смириле“.
Со цел, атмосферата да биде уште поинтересна, нашите волонтери беа облечени во маскоти од суперхерои и забавни ликови, што дополнително придонесе за забава и дружење со децата, а и родителите заедно со нив. По целокупната забава и сите радости, на децата им беа врачени подароци изработени од страна на навивачката група Комити Вардар.
Заедно предизвикавме насмевка на детските лица, што ни претставува мотив за понатамошна хумана реализација на голем број вакви активности.
Создадено со љубов!
