декември 1, 2021

“Подари пакетче, подари радост”

Месец на подароци, за среќни моменти!

let the Christmas spirit shine

Почитувани,

Во пресрет на новогодишните празници, Црвен крст на Република Северна Македонија- Општинска организација Кисела Вода, традиционално како и секоја година под мотото: “Подари пакетче, подари радост” доделува новогодишни пакетчиња за децата при:

•СОС Детско село;

•деца кои боледуваат од канцер при одделот за хематологија при Клинички центар “Мајка Тереза”;

•Здружение на деца со спинална мускулна атрофија;

•Здружение на граѓани за лица со дисфункции, хендикеп и ретки болести „Дајте ни крилја“;

•ПОУ ”Д-р. Златен Сремец“,

•Асоцијација Ластовици;

•Здружение на лица со интелектуална попреченост “Во мојот свет”;

целна група: 400 деца.

Оваа година пакетчињата ќе бидат доделени на 24.12.2021 година (петок), согласно мерките и препораките од Министерството за здравство и Владата. И покрај тоа што, Корона вирусот ни донесе нова реалност, Црвен крст на Република Северна Македонија- Општинска организација Кисела Вода со помош и поддршка од страна на Секторот за внатрешни работи и ИПА (Интернационална полициска асоцијација) Скопје, нема да дозволи да згасне празничниот дух кој ни носи неизмерна радост во овој период од годината.

Замислата на волонтерите е преку централен настан, тематски определ како: “Реални и надреални суперхерои”, да се доделат пакетчиња на

локација: Дневен центар за лица со интелектуална попреченост “Пролет”, општина Центар (ул. Пролет бр. 39, на паркингот кај Веро Џамбо).

И оваа година, наидовме на голема поддршка од страна на општествено одговорни компании и поединци, кои дополнително ќе бидат истакнати како позитивни примери во заедницата.

Доделување на пакетчињата ќе биде во временски интервал е од 09:00 до 15:00 часот.