Неделата на грижа на стари лица

Црвен крст на град Скопје од 15-21 ноември ја одбележува „Неделата на грижа за стари лица”. Истата се организира преку социјалниот сервис ,,Дневен центар за стари лица и центар за давање помош во домашни услови“.

Со следење на мерките за заштита од КОВИД-19 во рамките на неделата на грижа за стари лица се организираат повеќе активности и тоа:

функционирање на мобилни тимови на територија на Град Скопје за бесплатна услуга за набавка и достава на храна, хигиена и лекови;

информативни пунктови за мерење на крвен притисок и гликемија;

посета на старски дом „Мајка Тереза“ и ЈЗУ Спец. болница за геријатриска и палијативна медицина „13 Ноември”;

посета на кино;

информативна работилница за лица во трето доба за нивното запознавање со правата од социјална и здравствена заштита;

дистрибуција на пакети за социјално ранливи лица во трето доба;

изработување на информативно видео за работата на мобилните тимови за доближување на дејноста.

Овој сервис е поддржан од страна на Град Скопје, Албиз Фондацијата и Швајцарски Црвен крст.