Кампања “Подари пакетче, подари радост„

Нашата хуманост нe познава граници, и во услови на пандемија, новогодишната магија нема да запре, благодарение на младите ентузијасти– волонтери при Општинска Организација Кисела Вода кои неуморно, во секој момент имаат желба и мотив да прават добри дела, вклучувајќи ја и кампањата „Подари пакетче, подари радост“.

Оваа година подаруваме новогодишни пакетчиња на најмалите, дечиња со ретки болести при Здружение на лица со вродени срцеви малформации Q20, Здружение на деца со спирална мускулна атрофија, Здружение на граѓани за лица со дисфункции, хендикеп и ретки болести „Дајте ни крилја“, Државно училиште за деца и младинци со оштетен вид „Димитар Влахов“ – Скопје и ПОУ „Златен Сремец“, кои веруваме дека на 18ти декември ќе не пречекаат со огромна насмевка на лицето и полни со радост и позитивна енергија.

Зарем има нешто повредно од детската среќа? – Се разбира дека не, она кое што најмногу не радува е детскиот лик и нивната ведрина. Поради радоста на овие деца, секој од нас може да биде нечиј Дедо Мраз.